38                 TESTAMENTS ENREGISTRÉS.AU PARLEMENT DE PARIS            (278)
quis son gré de science avant que les dis cinq cens frans feussent des-penduz ou allouez, le dit maistre Regnault baillera le demourant des dis v° frans au dit Jehannin pour soy vivre et aidier en ses neccessitez, nonobstant autres dons et lays à luy fais en ce present testament ; et de ce je charge tout entierement le dit maistre Regnault et qu'il acom-plisse.
El pour faire et acomplir les choses dessus dictes et chascune d'icelles, je fais et ordonne mes executeurs especiaulz honorables hommes et saiges, le dit maistre Regnaut Freron, Jehan Goulet, mon cousin, maistres Jehan Creté et Adam Richeux, maistres de la Chambre des comptes, maistre Oudart de Trigny, clerc d'icelle Chambre, messire Pierre Mercier, mon chappellain, et Jençon Gaillart, mon clerc, et chascun d'eulz pour le tout, par telle maniere que, se tous ensemble n'y pevent ou povoient vacquer ou entendre, les v, un, m, n ou un puis­sent faire et parfaire et acomplir mon dit testament par l'ordenance du dit maistre Regnaut sans lequel je ne vueil estre fait. Àuxquielz mes executeurs dessus nommez, oultre les lays à eulz en ce present testament, à chascun d'eulz, pour leur paine et traval qu'ilz auront en faisant l'execucion de mon dit testament, je lesse xl frans.
Item, au dit Jehan Goulet, mon dit cousin, pour sa paine et travail et pour l'affection que j'ay à luy, oultre le lays à luy faiz, comme dessus est dit, nc frans, et aussi pour acomplir et parfaire toutes les choses dessus dictes et chascune d'icelles, je leur donne plain povoir et auc-torité en les mettant en saisine et possession de tous mes biens quelx-conques, en submettant en tant comme je puis tout le fait de mon execucion à la court de Parlement, en déboutant tout autre juge. Lequel testament ou derreniere volenté dessus dictes, je vueil qu'il vaille et soit tenu par maniere de testament ou de derreniere volenté, ou par maniere de coudicile, ou par autre meilleur maniere que de droit ou de coustume mieulz valoir porra et devra, en renonçant à tout autre testament qui devant cestui seroit fait, et vueil que ce present testament vaille et ait son plain effect.
En tesmoing de ce, j'ay ratifié et signé de ma propre main ce pre-